Pitkästä aikaa päästhiin reenaahmaan hakua, ko siskot ja toisen hellu tuli etelästä kylästelheen sillä seurauksela että heti seuraavana päivänä kaikki kolme passitethiin piihloon.. :) Edelliset reenit oliki syksylä ko käythiin TSE:n kans reenailemassa.. Eli nyt pääsi tulheen lähes 3 kuukauen tauko.. :/

Pitkhään harkittin, että uskallanko ottaa suoriksi kiintorullareeniä, vai antaisinko irtorullat mukhaan.. Lopulta päädyin siihen, että teen molemmat ja ohjeistin uhrit niin, että jos Miro ei hoksaa rullaa ottaa kaulastansa, niin ottavat sitten irtorullan hihasta esile ja tarjoavat sitä..

Kaks uhria meni methään puitten juurele ja yks halkokatokseen pinojen keskele.. Keli oli mitä kamalin "puolihanki"-keli.. -> Välilä noin 40 cm hanki kanto ja välilä upotti, tosi kenkkumainen.. Miro oli ihan tolkuttoman innoissansa ko näki mitä tarvikheita repusta otethiin esile, se tiesi heti että mikä on homman nimi.. Liivit siis pääle ja menoksi..

Ensmäisen maalimiehen Miro löysi jäljen nostamalla ja sitä seuraamalla. Maalimiehen tykönä pieni nuuskaus, rulla suuhun ja sitten tarpohmaan takasi minun tykö.. Ees maalimiehen hassu huovutettu sarvihattu ei meän etsijää hämänny, mutta olin varma ettei rulla pysy suussa hetkeä kauempaa sillä kelilä..mutta muista taas, älä aliarvioi koiraasi.. Rulla tuli kuin tulikin ihan kätheen saakka!!!! JEEEE!! :) noh sitten vain näytöle..

Seuraavaa uhria jouvuthiin kierthään jonku verran, oli sen verran kova tuuli, että Miro sai hajun vasta just siinä ko uhri jäi tuulen pääle.. Rullan tuomista Miro mietti hetken, koska olin itekki jo aika lähelä uhria, ja se varhmaan aatteli, että kyllähän se emäntä sen ittekki näkkee, mutta sitten melkein heti otti kuitenki rullan suuhun ja toi sen mulle ja lähti käskystä hienosti näytöle..

Kolmas uhri oli halkopinojen keskelä, vähän hankalassa paikassa, mutta senkin Miro suoritti kivasti. Katokselle tultiin vastakkaiselta laijalta ko millä uhri oli piilossa ja miehen löyettyään, Miro meni rullan kans suorinta tietä ulos katoksesta, eli just vastakkaiselta puolelta, missä mie ootin liinan kans, ja kiersi katoksen ja tuli sitä kautta minun luo.. Näytöle mení kuiten taas lyhintä reittiä..

Kaiken kaikkihhaan siis ihan mukhiinmenevät reenit, varsinki ko aattellee kuinka pitkä väli edellissiin reeneihin oli.

Toiset reenit piethiinki välipäivinä anoppilan maatilan pihala, koska keli oli vieläki semmonen puolihankinen eikä siksi methään tehny mieli mennä. Tällä kertaa ootethiin pimeän  tuloa, että saathiin aikaseksi "valopää"-ottalamppureenit..

Ensmäinen maalimies löyty ihan avopiilosta leikkimökin takkaa. Tämä oli ihan helppo. Seuraavassa oliki jo haastetta. Uhri oli piilossa ulkovarastossa, josta oli jättäny oven raolheen muttei sisällä ollu enää sen kummemmin piilossa.. Miro meni parhiin otheesseen varasthoon sisäle, mutta tuli ulos "tyhjin suin" ja jatko ovesta tulleshaan minusta poispäin.. Ihmettelin että mitä kummaa ja lähetin Miron uuesti sisäle ja kurkkasin itte perässä.. Noh, varasthoon oli ripustettu roikkuhmaan tässä taannoin  auton alle jääny koppelo, joka ootti  nylkemistä.. No sehän se sitten vei kaiken huomion, eikä maalimiehenä olheesta anopista tarvinu Miron mielestä välittää.. Noh, loppuviimeksi Miro aatteli, että kai tuo anoppiki pittää täältä pois saaha ja ilmasikin sen sitten oikein nätisti.. Minun pikku lintukoira.. x)

Kolmas uhri oli menny piihloon pimehhään lathoon. Laossa oli rattori ja muuta maatalous juttuja, sekä vajaan metrin korkea säilörehupatja jonka päälä oli pyöröpaaleja, joitten takana uhri oli piilossa. Piihloon urhri meni juuri ja juuri ihmisen läpimentävästä pyöröpaalien välissä olevasta raosta, vaikka vieressä olis ollu semmonen sopivasti koiran mentävä kolo.. :) No Miro saiki hajun siitä mistä maalimies oli piihloon menny, ja yritti tunkeutua samasta raosta, mutta perruutti kuitenki takasi.. Mie ohjasin sen sitten isommasta välistä pallojen taa, ja sieltähän se "ukko" löytyki! :) Ilmasu ja näyttö meni juuri niinko pitiki..

Tässä oli siis joulukuun reenit.. Nyt ootelhaan kenet saatas ens kerrala piihloon! :)