No niin.. Nyt on muutaman viikon toko-tauko takana, ja uuela innola reenailhaan niin kauan ko mie vain suinki kykenen alati kasvavan mahani kans.. :) Eilen ja tänhään on siis reenailtu. Eilen vähän sillä mielelä, että missä menhään ja tänhään puututhiin parhiin epäkohtaan..

Ruutua reenathiin molempina päivinä. Reenathiin jalkapallokentälä ja sijotin ruudun kahen maalin välhiin, niin, ettei Mirola ole muuta mahollisuutta ko mennä kahen etumerkin välistä ruuthuun. Aikasemmin on ilmenny välilä semmosta ongelmaa, että Miro kiersi ruuthuun oikean sivun kautta. Nyt saathiin kaikki, eli eilen kolme ja tänhään kaks ruuthuun menoa suohraan etumerkkien välistä. Jee! Kosketusalustaa en enhään ruuthuun vieny, mutta pallon vein ja yhesti en vieny ruuthuun. Näin molempina päivinä. Ruuthuun meno reipasta laukkaa ja innokasta. Hyvä hyvä. Mutta vielä olhaan kaukana voi luokan valhmiista suorituksesta.. :)

Tunnari meni eilen täyellisesti. Kuus häiriökapulaa ja oma ensin metri häiriköitten taakse. Sitten kahesti samhaan rivhiin häiriöitten kans ja Miro toi joka kerta oikean.
Tänhään taas kokosin Tunnarin niin, että en vieny ommaa erikseen, niinko aina ennen, vaan jätin sen samala häiriköitten taakse ko kokosin ne ympyrän muothoon. Sitten vasta Miro perusasenthoon ja käsky "oma". Miro lähti laiskasti ja poimi väärän kapulan johon sitten vain murahdin kutakuinki että "hrmh", jolloin Miro puotti väärän ja poimi toisen väärän.. Tähän taas toinen "hrmh" ja Miro puotti väärän ja löysi lopulta oikean väärien takkaa, mistä kehut ja palloilua.
Toisen oman vein samhaan ympyhrään häiriköitten kans. Tällä kertaa jätin Miron perusasenthoon käskylä "oota" niinko aina normaalisti olin tehny. Tällä kertaa Miro poimi kerrasta oikean, ei ees yrittäny ottaa muita suuhun, ja toi sen nätisti -> Juhlat pysthyyn! :) Ja joku toinen päivä reenathaan sitten uuesti. :)

Jättöliikheet mahtavia, jopa liikheestä istuminen, Jee! :) Eilen vapautus pallola heti ko oikea pyssäytys. Tänhään vappautus vasta ko kakki liikheesseen kuuluvat "krumeluurit" tehty.

Mutta sitten.. Hiivatin luoksetulo ja siitä pyssäytykset.. Eilen Miro oli ihan sitä mieltä, että onko tätä muka tehty joskus ennenki.. Siis hä.. Valuvaluvalu ja valu!! Noh, siihen keksin illala ratkasun, ja tänhään reenathiinki taka-palkala, joka ihanaa kissan kerta-annosruokaa hopeakupista tarjoiltuna.. :) Ja miten kävi.. Noh, pysähty miltei niinko seihnään.. :D Tällä systeemillä siis jatkethaan..

Kaukokäskyt jättebra!

Tänhään päästiihiin ottahmaan piiiitkästä aikaa hyppynoutoa, mitä on otettu ehkä kahesti aikasemmin, jolloin Miro pakkasi kiertähmään estheen takasi tullessa..
Tänhään otin sitten useamman hypyn, ko kerranki olthiin paikassa, mistä este löytyy, ja Miro haki ja hyppäs mennen tullen joka kerta! Aivan mahtavaa.. Häskynä käytin "aita""hae" yhistelmää. Alussa varmistelin takasi tuloa niin, että ohjasin käelä estettä näyttäen ja Mirohan hyppäs myös toisin käsin. :) Pari hyppyä otin vinhoon, että Mirola ehkä tulis miehleen kiertää este, mutta eipä kiertänykhään. Viimiseksi otin vielä koemaisen suorituksen, ilman ylimäärästä ohjausta ja kympin suoritus. Ihanaa! :) Toivottavsti ongelmia ei ilmenekhään..

Nyt taas tuli otettua liikaa yhelä kertaa, mutta en malttanu, ko halusin nähä että missä menhään. Liikheitten välissä pidin kuiten lepotaukoja, esim sen aikaa ko järjestelin välihneitä.. Jatkossa häätyy olla kuitenki vähän maltillisempi ja ottaa vain paria liikettä kerrala.. :)