Huhhuijaa, ei voi muuta sanoa.. Paljon on tapahtunu tässä muutaman viikon aikana.. Blogiakhaan en ole kerenny päivittelheen..

Noh, ensinnäki met muutima Pellosta vähän etelämphään, elikkä Tornihhoon. Muutto (pakkaaminen ja purkaminen) oli kyllä aikamoinen urakka pieni poika kainalossa, mutta nyt on jo melkein kaikki tavarat päässeet pois laatikoista. Vielä kuitenki pientä sekasortoa on ilmassa.. :)
Miro katteli meitä muuttopäivän iltana sen näkösenä että "jokos tästä lähethään kotia?".. :) Hassu otus, mutta nyt seki on kottiutunnu. Ja mikä parasta, nyt puolen vuen treenitauon ja minun 4kk:n mammaloman jälkheen met liitythiin Tornion koirakerhhoon ja viime perjantaina käythiin tokoreeneissä! Jee! Oli mukavaa ja vaikka olimaki vähän (etenki mie) ruostheessa. :) Mutta esim tunnari meni ihan naphiin.. :) Josko sitä syksystä pääsis jo starttaahmaan VOIssa.. :)

Tokoreenien jälkheen otin uutuutta kiiltävän Osterin kauhniisseen kätheen ja ajelin Mirole työtukan! :) Miro ei elettä arvostanu, vaan luultavasti kiros minut alimphaan hel...kkahriin :) Turkki saathiin kuiten ajettua alas pyristelyistä huolimatta (en tiä olisko ouvoksunu uutta konetta ja pitemmän karvan jättävvää "harvapiikkistä" 7-terrää) ja nyt Miro jo kiittää minua viileämmästä olotilasta.. Pitkän turkin kans olo oli jo tukalaa.. Saa nähä koska silmä taas tottuu tuohon "kuikehloon".. :) Huomasi muuten että viimisen 4 kk:n aikana ei oltu juuri mettälenkeile päästy, oli nimittäin päässy Miron lihaksisto vähän rupsahtahmaan.. Mutta kunhan kesä tullee ja päästhään taas uihmaan niin eiköhän ne lihaksekki siitä palaudu..

Miron ja Nean pennut kasvo jo niin isoiksi, että kaikki muut paitsi Niki on jo muuttahneet omhiin koteihin. Eläinlääkärin tarkastuksessa Nikiltä löyty syämmestä pieni sivuääni, jota lääkäri eppäili niin sanotuksi puppy murmuriksi, joka häviää ajan kuluessa, ja siksi Niki jäi varmuuen vuoksi Maaritin hoihviin.
Bobi tuli tänne lähele iskää eli Rovaniemele, eli enköhän mieki pääse tässä muutaman viikon päästä poikaa kattohmaan. :) Bobilla on oma blogi täällä, ja Tampehreele muuttahneela Roosalaki on jo oma blogi ja se löytyy täältä. 


Kaikki pennut on kuulemma kottiutuhneet hyvin ja esim. Roosale on tehty jo pieni harjotusjälkiki! Mahtavaa! :) Josko tuo Miro-iskän nenänkäyttötaito olis perriytyny ainaki sinne! ;) Mielelläni otan vasthaan pentujen kuulumisia vaikka tänne kommentteihin tai kotisivujen vieraskirhjaan ja ainaki Maaritilta saa minun s-postiosotheenki, eli kuulumisia ja kuvia tänne meile kans! :)

Mutta nyt häätyy jo kiirehtiä muihin homhiin.. Kirjottelen taas ko vain ehin ja kotisivujaki yritän päivittää ens viikon aikana. Lophuun pari kuvvaa.. :)

"Rankkaa tämä muuttaminen.." :)

Kaljuapina ottaa rennosti.. :)