Reeneistä on nyt reipas viikko aikaa, mutta parempi kirjata myöhhään ko ei ollenkhaan.. :)

Reeneíssä olthiin meile ihan ouossa paikassa ja saathiin Perttuki houkuteltua mukhaan meän viimiselle reenikerrale. Perttu saiki kiitettävästi toimia maalimiehen roolissa.. :) Aina kannattaa ottaa hyöty "ouoista" ihmisistä.. :D

Miro sai viimisen kerran kunniaksi tehä niin sanotun ison etsinnän ja sehän meniki vallan hienosti.. :) Ensin ennen ko lähethiin hakehmaan varsinaisia maalimiehiä, otethiin yks ilmasuharjotus, joka meni oppikirjojen mukasesti.. :) Sitten jatkethiin etsintäsuunnitelman mukasta reittiä. Eipä aikaakhaan ko Miro nosti nenänsä ylös ja suuntas etsintäaluhheen sisäle. Mie en eppäilevänä ihan heti lähteny vauhila perhään (vaikka olis ehkä pitänykki), vaan vähän kattelin, että mille Miro meinaa alkaa. Onko sillä oikeasti haju, vai jotaki muuta.. No, hajuhan sillä oli ja lähinki sille melkein heti tuumimiseni jälkheen sille perhään ja eipä aikaakhaan, ko Miro tuli rulla suussa minun tykö. Tosin se tippu pari metriä ennen ko Miro ravisteli, mutta hienoisti se korjas ja toi tippuhneen rullan mulle kätheen. Sitten lähethiin näytöle ja Miro johatteli minut kauhean pusikon läpi maalimiesten tykö.. :) Kauaa ei siis Mirola nokka tuhissu tässä tehtävässä, mutta sää oli kyllä just hyvä, sopivasti tuulta ilmavainun saamiseksi.. :)

Muuten jäi reeneistä suru pusehroon, ko piti jättää ihanat reenikaverit etehlään, ko kukhaan ei suostunu muuttahmaan minun kans Kolahriin.. Ihme juttu.. Mutta sitten ko tulen käyhmään etelässä, niin vakkaana tarkotuksenani on "tunkea" reeneihin mukhaan.. :) Ihan helpola että minusta erhoon pääse.. :) Reeneistä piti kyllä lähteä vauhila, ettei itku ihi sauttaa.. :´(

Suurkiitos koko reeniporukalle! Olen saanu teiltä maailman parkaita neuvoja ja ohjeita, enkä taatusti lopeta tätä hienoa harrastusta!!

Mutta SUUUUREN erityiskiitoksen (ja halauksen) ansaitsee Sari! Sari on ohjannu, neuvonu ja kannustanu meitä ensi-tutustumisestamme saakka! Ilman Saria en olis koko etsintätouhua varhmaan osannu ees aatella harrastuksena! :) Saria tulen varmasti häiriköihmään jatkossaki puhelimitse jos jonkilaisessa asiassa ja pulmatilantheessa.. :)